LANJUTAN MATERI SAJAK

 WANDA SAJAK 

a. Sajak epik 

Sajak epik nyaeta sajak anu sipatna ngadadarkeun, ngalalakonkeun, atawa nyaritakeun hiji carita atawa kajadian. Ku lantaran kitu sajak epik mah biasana panjang, da sipatna ngalalakonkeun hiji carita. Kusabab kitu, dina sajak epik mah bakal kanyahoan saha tokohna, naon krtakna, jeung kumaha pamustunganana. Sajak epik oge ilaharna eusina teh ngawangun carita kapahlawanan nu aya patali jeung sasakala, kepercayaan, atawa sejarah. Wangun sajak epik bisa digolongkeun deui jadi sababaraha golongan, diantarana epos, fabel, jeung balada. 

 Sangkan meunang gambaran, ieu dihandap aya salahsahiji conto sajak epik, pek perhatikeun lan baca sing gamet !

Di Panugaran Curug Sigay

Ku: Agus Suriamihardja 

1. ki Arsik urang Cicarita

    Ngahaja nugar batu Curug Sigay 

    Teuing nu saha 

    Teu kungsi dipapay-papay 

    Datang ka lengkob nyorangan 

    Bismi hirup

    Tuluy ngahemat bebeakan 

    Batu urug

    Kitu jeung kitu

    Tara nunggu nunggu 

    Mun karasa cangkengna asa semplak

    Reureuh heula sakeudeung 

    Udud mole, ni'mat ngadadak

    Minangka sasarap, citiis jeung gula kawung

    Basajan pisan 

    Kahayang karumasaan 

2. Datang anemer ti Bandung

    Ngagorowok luhureun pasir:

    Aki, geus meunang sabaraha kibik?

    Di lengkop Ki Arsik nangtung 

    Nembal bari rada gimir:

    Karek meunang dua kibik

    Tuluy ti lengkob batu ditunjal

    Ka sisi jalan gede jauhna tilu pal

    Gawe sabaraha poe 

    Tukeur beas jeung mole

    Bro ka pamajikan

    Nohonan kajujuran 

3. Ki Arsik imah bilik hateup eurih 

    Manehna panugar batu 

    Hasil kesang jeung kapeurih 

    Jadi gedong deungeun-deungeun peuntas ditu

    Ki Arsik teun nyaho-nyaho 

    Anemer nyandung ka randa donto

4. Basa anak bungsuna kawin 

    Ki Arsik ngumaha maur

    Anemer mere nginjem bari api lain 

    Tah aki, Kula ngan nyaho batu satuur

    Sabada ngawalian 

    Manehna ka lengkob deui

    Nugar batu mayar hutang 

    ngaheumbat sataker kebek

    Linggis mentak kana tarang 

    Renghapna kapengkek 

    Nini, Aki tiwas

    Ti mumunggang ngahiliwir angina kaihlas 

    Ki Arsik boga hutang urut hajat 

    Teu kaburu punah 

    Mayitna ditanggeuy kunu ngarit

    Angkeub langit Cicarita

    Pamajikan, anak incu walurat 

    Hutang can punah

    Maskumambang salalangit

    Di Cicarita guyur carita

5. Kiwari

    Mun tengah poe ereng-erengan 

    Sok kawenehan ti lengkob aya aweuhan 

    Sora linggis nugar batu 

    Tapi tuluy gagu 

    Jeung hawar hawar kadenge sore ngahelas

    Nini, Aki tiwas

dicutat tina Sajak Sunda, Ajip Rosidi, 2007

b. Sajak lirik

    Beda jeung sajak epik nu ngalalakon, sajak lirik mah henteu ngalalakon. Sajak lirik nyaeta sajak anu ngagambarkeun rasa panyajakna atawa sajak anu ngebrehkeun pikiran jeung rasa pribadi panyajak panyajakna tur sipatna leuwih subjektip. Dina sajak lirik panyajak henteu ngadongeng atawa nyaritakeun, tapi ngembrehkeun sakur anu kapikir jeung karasa waktu harita. Geura tengetan ieu conto sajak lirik di handap nu judulna "Do'a" karya Apip Mustopa. 

   Do'a

(haturan Pa Oto Iskandar Dinata)

Ku: Apip Mustopa

Jungjunan

Pangnangkeupkeun eta nyawa

nu indit tanya nu nanya

taya tapakna di dunya

Angin 

pangusikkeun pangeusi buana

yen aya sinatria nu perlaya

di tempat baktina taya nu daek ngajungjung

He panonpoe

geura awurkeun panas nu ngaduruk sagala

sanngkan ieu dada

sakumana nyawa Sunda

nyaho boga pahlawan digjaya

Dicutat tina Kesusatran Sunda Dewasa ini 1996 

SILAHKAN DICATAT DI BUKU, DAN UNTUK ABSENSI SILAKAN KOMENTAR DIKOLOM KOMENTAR NAMA, KELAS DAN JURUSAN. BAGI YANG PUNYA LKS SILAHKAN HANYA ABSEN TIDAK PERLU CATET ULANG. TERIMAKASIH