PADIKA MACA WARTA

 

PADIKA MACA WARTA

Aya swatara hal anu kudu diperhatikeun lamun urang maca warta boh dina Radio atawa TV. Kahiji, kudu bisa maca naska warta, lantaran ditulisna rada beda jeung tulisan sejen. Upaman wae dina naskah warta di luhur, aya lambing atawa simbul tulisan nu beda jeung tanda baca biasana. Aya hal anu katingalina beda dina ngalarapkeun tanda baca antara nulis berita keur terbitkeuneun di surat kabar jeung berita bacakeuneun di media elektronik TV atawaa radio, pangpangna dina tanda baca koma (,) jeung titik  (.). Dina berita surat kabar citak saperti Koran jeung majalah, tanda koma atawa titik teh nya tanda koma jeung titik biasa bae. Tapi tanda baca dina berita bacakeuneun penyiar atawa juru warta media elektronik mah, koma the dicirian ku gurat condong hiji (/), titik ditandaan ku tanda gurat condong dua (//). Geura pek tengetan deui dina warta Bandung TV di luhur sual unjuk rasa tea.

Kadua, maca warta dina TV kudu alus peta jeung dangdanan. Geus puguh ari sora mah kudu halimpu, ngoncrang, jeung bentes. Matak so kaya kacapangan, nu maca warta dina TV mah cameraface. Sabalikna, ari maca warta dina radio mah cukup ku sora nu halimpu, ngoncrang, jeung bentes. Teu kudu cameraface oge teu nanaon.

Katilu, maca warta dina TV atawa radio kudu alus artikulasi, lentong, jeung randegan kalawan sora ngoncrang.

Kopat, hal-hal anu patalina jeung tehnis biasana ditangtukeun ku unggal stasuiun TV atawa radio. Umpamana wae cara diuk, merenahkeun alat-alat elektronik kalayaning mik, jste. Tangtu we memeh jadi pamaca warta, kudu aya latihan heula. Malah apan aya sakolana husus.

PADIKA SIARAN RADIO

Siaran teh kaasup kana kagiatan di dunya pers. Nu dimaksud pers teh ngawengku sakumna media massa boh citak boh elektronik. Media citak upamana aya Koran, majalah, tabloid, jeung bulletin. Ari media elektronik ngawengku televise, radio, jeung internet. Ku lantaran kitu, tantu we siaran teh aya padika atawa kode etikna, anu disebut kode etik jusrnalistik. Siaran dina radio jeung TV, tantu we aya bedana. Pangpangna mah dina cara jeung tehnik midangkeunana. Ditilik tina mediana wae geus bed, mun radio ukur ngajomantara sora wungkul (audio), ari TV mah apan katembong aya gambar. Jeung sora (audio-visual).

Kode etik jurnalistik the nyaeta padika anu ngadadasaran moral jeung etika parainsan pers dina netepkeun kabebasan pers anu bisa dipertanggungjawabkeun. Ari kode etik jurnalistik teh ditetepkeun ku PWI (Persatuan Wartawan Indonesia). Eusina ngawengku perkara kapribadian jeung integritas wartawan, cara nepikeun warta jeung ngasongkeun pamadegan, padika nangtukeun sumber warta, jeung katangtuan-katangtuan sejenna ngeunaan kawartawanan. Ku kitua, kagiatan siaran boh dina radio atawa televise teu bisa sagawayah. Urang kudu nyaho kumahatatakramana. Hartina mun urang jadi penyiar, samemehnakudu apal heula tatakrama.

Sacara bajasan, padika atawa tatakrama siaran dina radio teh sahenteuna kudu nedunan sarat-sarat kieu.

1). Kudu nataharkeun atawa nyiapkeun heula naskah keur siaran. Naskah siaran teu meunang ngahina sual SARA. Kitu deui, kudu make basa anu etis (sopan, bener, tur merenah).

2). Kudu nyangking atawa paham kana eusi naskah, sangkan dina waktu siaran henteu kacaletot atawa kapetolan.

3). Kudu latihan vocal (sora). Lantaran jadi penyiar mah sora teh kudu alus, kudu ngoncrang, tur lentongna ge kudu halimpu.

4). Mun siaran teu make naskah, salila siaran ulah nyigeung perkara SARA. Kitu deui, ulah ngritik atawa nyawad pamarentah bari teu puguh buktina.

5). Mun siaran interaktif (langsung), urang kudu bisa ngajawab unggal pananya ti pamiarsa anu nelepon.

 

Kitu padika atawa tatakrama siaran teh. Bisa jadi aya padika-padika sejenna, eta mah ngumantung kana kawijakan anu ditangtukeun ku setasion radio/televise. Saterusna perlu dieceskeun yen di Jawa Barat, aya sawatara media elektronik anu nyiarkeun acara make basa Sunda. Upamana wae aya TVRI Jabar Banten, Bandung TV, STV,MQ TV, RRI Bandung, Rama FM, Gespa FM, jeung rea-rea deui. Kitu deui dina media citak, aya majalah Mangle, majalah Cupumanik, Koran Galura, Koran Giwangkara, jeung rea-rea deui. Bisi hidep panasaran, sakali mangsa mah regepkeun siaran radio, lalajo televise atawa maca koran jeung majalah nu make basa Sunda. Tangtu we bakal karasa bedana jeung acara-acara anu make basa Indonesia atawa inggris ?