LANJUTAN MATERI WARTA

WILUJENG ENJING SADAYANA, AYEUNA TEH IBU REK NGABAHAS MATERI NGEUNAAN WARTA. TONG HILAP TULIS DIKOLOM KOMENTAR NAMI, KELAS JEUNG JURUSAN NU JELAS !!! ATURNUHUN J 

NULIS WARTA

Samemeh prug nulis warta, urang kudu wanoh heula kana struktur warta jeung padika nulis warta. Perkara struktur warta geus dipedar ti heula, anu ngawengku (1) judul (headline), (2) bubuka (lead), (3) waruga warta (events), (4) pamungkas warta (end). Dina waruga warta kudu ka gambar dadaran warta anu ngajawab pananya 5W + 1H.

Jaba ti eta, aya padika nulis warta. Aya sawatara hal anu kudu diperhatikan lamun urang nulis warta, di antara wae, ieu di handap.

1). Dina nyieun lied, gunakeun bas anu matak narik painten jalma sejen. Nulis warta the usahakeunsing  kawas anu keur cacarita sacara langsung (ngobrol).

2). Nyien lied ulah panjang teuin, paling rea 30 kecap, atawa kira-kira tilu jajar ketikan.

3). Pisahkeun lied anu sakiranya hese dipikahartikeun jadi dua atawa tilu kalimah.

4). Gunakeun kalimah parondok. Lamun kalimahna paranjang teuing, kadang-kadang mantak bingung anu maca, nepi ka teu bisa maham eusi warta.

5). Kecap-kecap anu digunakeun oge kudu anu basajan. Usaheukeun tulisan teh sing genaheun dibacana tur gampang gampang kahartina. Ulah rea teuing ngagunakeun istilah-istilah asing anu sakirana matak teu dipikaharti ku nu maca.

6). Usahakeun make keca-kecap pagawean anu aktif, anu ngagambarkeun tindakan atawa gerakan.

7). Lian ti kalimahna anu parondok, alineana oge ulah paranjang teuing. Lamun alineana paranjang, kalan-kalan anu maca baga sangkaan yen eta tulisan the hese dibacana.

8). Nulis warta the kudu kawas ngalukis. Hartina, naon anu ditulis ku urang kudu mampuh ngahudang imajinasi anu maca.