WARTA

 

WILUJENG ENJING SADAYANA, AYEUNA TEH IBU REK NGABAHAS MATERI NGEUNAAN WARTA. TONG HILAP TULIS DIKOLOM KOMENTAR NAMI, KELAS JEUNG JURUSAN NU JELAS !!! ATURNUHUN J

WARTA

Panyungsi Basa

Perkara Warta

            Warta sok disebut oge berita. Aya oge nu nyebut warta berita (b.ing: news). Warta teh mangrupakeun iber perkara hiji kajadian atawa hiji hal, boh sawanagan boh pamandegan, dumasar kana kanyataan. Biasana teh warta sok dimuat dina media citak atawa diumumkeun dina radio/TV. Ari jalma nu sok nyieunan warta, sok disebut wartawan atawa jurnalis.

            Nulis warta mah rada beda jeung nyieun tulisan sejenna. Ku kituna dina warta mah kudu puguh sagala ruapana, copelna kudu nyuponan unsur-unsur pangwangunan anu disebut 5W + 1H tea, nyaeta : who (saha), why (naha), what (naon), when (iraha), where (dimana), jeung how (kumaha).

Dina prakna nyusun warta, heula-panderina eta unsur teh henteu kudu matok kitu bae. Bisa bae dimimitian ku “iraha”, “naon”, “di mana”, atawa nu sejenna. Malah bisa dijembaran deui ku hal hal anu dianggap perlu dipikanyaho ku balarea. Diluhur geus disebutkeun, yen warta mah beja dumasar kanyataan atawa fakta. Tah, pikeun ngumpulkeun eta fakta,aya tilu cara anu bisa dilakukaeun, nyaeta bisa ku paninten (observasi), wawancara, jeung riset media/dokumentasi.

Anu dimaksud paninten di dieu nyaeta urang nitenan hiji kajadian atawa kaayaan. Naon anu ketempo, karasa, kadenge, atawa kaalaman dina hiji kajadian atawa kaayaan, bisa jadi warta, upama eta kajadian atawa kaayaan teh dianggap luar biasa. Ari nu dimaksud wawancara nyaeta ngawawancara hiji jalma, boh atawa ahli boh jalma biasa anu dianggep apal kana perkara anu rek diwartakeun ku urang. Jalma anu diwawancara ku urang keur kapentingan warta teh, disebutna sumber warta. Sedengkeun anu dimaksud riset media atawa riset dokumentasi nyaeta urang ngumpulkeun informasi ku cara macaan sumber nu geus aya, upamana tina buku, majalah, atawa sumber sejenna.