CARITA PONDOK

    Carita pondok teh nyaeta carita rekaan anu mere kesan lir enya-enya kajadian tur ukuranana parondok. Lebah ukuran pondok tea, aya nu diukur ku jumlah kecapna nyaeta antara 5.000-10.000 kecap. Aya oge anu diukur ku waktu macana nyaeta kurang leuwih saparapat jam, upama dibaca nepi ka rengse teh. tapi umumna carita pondok Sunda, upama diketik dua spasi make keretas ukuran polio teh, antara 4-8 lembar. Carita pondok kaasup wangun karangan lancaran (prosa). Ku lantaran pondok tea, kajadian anu dicaritakeunana oge henteu rea, biasana ngan diwangun ku hiji kajadian utama. Kitu deui palakuna, umumna tara loba. Latarna, boh latar tempat boh latar waktu, sarua deuih henteu loba.

    Bedana jeung dongeng, carita pondok mah mere kesan ka nu macana yen kajadian, palaku, tempat, jeung mangsa anu dicaritakeunnana teh henteu pamohalan. Kajadian sapopoe oge mindeng dicaritakeun dina caraita pondok mah. Carita pondok mangrupakeun hasil rekacipta pangarangna, jadi lain lalakon anu enya-enya kajadian. Memang bisa bae kajadian nyata oge dipake dadasar carita pondok, tapi ngan saukur pikeun bahan. Wangun carita pondok asup kana sastra Sunda teh mangrupakeun pangaruh tina sastra Walanda. Mimiti hadir dina pajemuhan sastra Sunda dina Majalah Parahiangan, ahir taunn 1920-an. Ari kumpulan carita pondok anu munggaran dina basa Sunda nyaeta Dogdog Pangrewong  karangan G.S. anu medal taun 1930. Jadi leuwih tiheula genep taun, upama dibandingkeun jeung buku carita pondok munggaran dina sastra Indonesia, Teman Duduk karangan M. Kasim, anu medal taun 1936. 

    Ceuyahna carita pondok dina sastra Sunda pangpangna sabada merdeka. Sumebarna umumna ngaliwatan majalah-majalah jeung Koran Sunda. Nepi ka kiwari henteu robah, umumna carita pondok mah sumebar ngaliwatan majalah jeung surat kabar. Upama aya buku kumpulan carita pondok anu medal, meh saratus persen carita pondokna teh kungsi dimuat dina salah sahiji majalah atawa surat kabar. Sakumaha lumrahna hiji carita, dina carpon oge aya anu disebut palaku, nyaeta tokoh nu ngalakon, , boh tokoh utama , boh tokoh panambah. Aya oge anu disebut latar, nyaeta kasang tukang waktu (iraha, wayah kumaha, cuacana kumaha) jeung latar tempat (di mana tempat kajadianana, kumaha situasi tempatna). Sajaba ti eta, dina carpon oge aya anu disebut sudut pandang, nyaeta cara pangarang ngabasakeun tokoh dina eta carpon. Pangarang bisa ngagunakeun tokoh jalma kahiji, nyaeta  ngabasakeun tokoh utamana abdi atawa kuring. hartina pangarang teh asup milu ngalakon dina carita. Bisa oge pangarang ngagunakeun tokoh jalma katilu, nyaeta ngabasakeun tokoh utamana manehna. Hartina pangarang teh kur nyaritakeun batur, ngadongengkeun naon-naon anu katingali ku pangarang tea. 

    TOLONG DIBACA DAN SETELAH DIBACA SILAHKAN TULISKAN DIKOLOM KOMENTAR NAMA, KELAS DAN JURUSAN DENGAN JELAS!!!! ATURNUHUN :)